Mere jaise ban jaoge jab ishq tumhe ho jaaye ga | Ghazal | urdu ghazal | gazals | sad ghazal in urdu | ghazal in hindi | romantic ghazal

Mere jaise ban jaoge jab ishq tumhe ho jaaye ga

Mere jaise ban jaoge jab ishq tumhe ho jaaye ga

Deewaaron se sir takrao ge jab ishq tumhe ho jaaye ga

Har baat gawarah kar lo ge, mannat bhi utaara karoge

Taweezein bhi bandhwao ge jab ishq tumhe ho jaaye ga

Tanhai ke jhoole khulenge har baat puraani bhoolenge

Aayine se tum ghabrao ge jab ishq tumhe ho jaaye ga

Jab suraj bhi kho jaaye ga aur chand kahin so jaaye ga

Tum bhi ghar der se aaoge jab ishq tumhe ho jaaye ga

Bechaini bhar jaaye gi aur yaad kisi ki aaye gi

Tumhe meri Ghazal yaad aaye gi Jab Ishq Tumhe Ho Jaaye Ga.......

Abhii Iss Taraf Na Nigaah Kar Main Ghazal Kii Palke'n San'vaar Luu | Ghazal | urdu ghazal | gazals | sad ghazal in urdu | ghazal in hindi | romantic ghazal

Abhii Iss Taraf Na Nigaah Kar Main Ghazal Kii Palke'n San'vaar Luu

Abhii Iss Taraf Na Nigaah Kar Main Ghazal Kii Palke'n San'vaar Luu

Meraa Lafz Lafz Ho Aaina Tujhe Aaine Mein Utaar Luu

Main Tamaam Din Ka Thakaa Hua Tu Tamaam Shab Kaa Jagaa Hua

Zaraa Thahar Jaa Isii Mor Par Tere Saath ShaamGuzaar Luu

Agar Aasamaa'n Kii Numaisho'n Me.N Mujhe Bhii Izn-E-Qayaam Ho

To Main Motiyo'n Kii Dukaan Se Terii Baaliyaa'n Tere Haar Luu

Kaii Ajanabi Teri Raa'h Ke Mere Paas Se Yuun Guzar Gaye

Jinhe'n Dekh Kar Ye Tarap Hui Tera Naam Leke Pukaar Luu